XANA NKWAMA WA APEX I YINI?
Nkwama wa timali Wutsongo wa Afrika Dzonga i khamphani leyi tumbuluxiweke hi mfumo ku hunguta vusweti no pfumaleka ka mintirho hi ndlela yo:
Fikeleleka ka kahle ka mintirho ya timali.
Kurisa mavandla na ntalo wa tikhasimende.
Tihlayisela hi ku tirhisa ntirhisano na minhlangano yin?wana yo fana na minhlangano yo lahla na switokofela.
XIVONO
Ku nghenisa xandla eku kuleni ka ikhonomi no hunguta vusweti laha Afrika Dzonga hi ku va mukondleteri wa mpfuno wa mintirho ya timali leyitsongo.
Ku aka feme yo va na matimba ya timali letitsongo eAfrika Dzonga.
XIKONGOMELO
Ku nyika mintirho leyi ya xiphurofexini leyi tolovelekeke eka mavandla ya timali letitsongo hi ku tirhisa:
Nseketelo wa timali eku akeni ka ntalo wa mavandla ya minhlangano leyi tirhisanaka na tikhasimende tin?wana ku endlela ku kondletela ku nghenisa xandla eka migingiriko yo kurisa ikhonomi.
Ku kondletela mahlayiselo ya mali no lombisa mali eka mavandla ya ntirhisano na Mavandla ya Timali ta Mabindzu tanihi nchumu wo kurisa no dzikisa ku fikeleleka ka mintirho ya timali eka swisiwana no olovisa timhaka ta timali ku endlela vutomi byo antswa.
ENDLELO RA MAFAMBISELO
Nkwama wa Apex wu ta tirhisana na minhlangano ku humelerisa xikongomelo xa wona ku fikelela ko karhi tanihi ndhawu ya muganga hilaha ku nga kotekaka ha kona eka ntshikilelo no fikelela.
Eka ku kondletela ku hlayisa mali endlelo ro karthi ra tsakeriwa, ku hlohlotela ka xihatla na manghenelo yo hambana hi ku langutisa ntokoto swa hlohloteriwa.
MINTIRHO YA TIMALI LEYI NYIKIWAKA
Nkwawa wo Lombisa Timali Titsongo: Nongonoko lowu wu lombisa timali to fika eka R10 000 eka mindyangu na van'wamabindzu lavatsongo lava tshembhelaka eka mabindzu ya vona lamatsongo. Nkwama lowu wu na swiyenge swimbirhi:
Xikweleti lexitsongo xa nhluvukiso wa van'wamabindzu lavatsongo
Nkwama wo hunguta vusiwana eka mindyangu ya tikhasimende leti holaka ehansi ka R1500. Ntirhisano wa nhlangano wu ta tirhisa xitirhisiwa xo kongomana no hunguta vusiwana ku kambela.
Ku aka ntalo wa mavandla: Ehansi ka nongonoko lowu timali ta nyikiwa ku tiyisisa vandla no vona leswaku endlelo ra nkarhi wo leha ra tirheka.
Ku kondletela ku hlayisa mali: Leswi swi tirha ku tlakusa no hlohlotela ku tumbuluxa ntirhisano wa swa timali na ku tumbuluxiwa ka minhlayiso yin'wana ya xintu yo fana na switokofela na swikimi swo mafu eku hlengeleteni ka rifumo leri vekisiweke no lawuriwa hi vanhu va muganga.
NHLAWULO WA NTIRHISANO WA MINHLANGANO
Apex yi endla mintirho ya yona hi ku tirhisa ntirhisano wa minhlangano yo hambana, kutani nhlawulo wa yona wa kahle i wa nkoka no ya emahlweni. Ehansi ka endlelo leri, Apex yi hoyozela tinxaka to hambana ta ti NGO leti tsarisiweke, vayimeri va van'wamabindzu va miganga, vayimeri vo tinyiketela na miganga ku tiyisela ku tirhisa endlelo ra ntolovelo."
Eku hoyozeleni ka nhlangano, Apex yi landzelela swiletelo swo vonaka leswi nga aviwaka eka tindlela leti landzelaka: nhlangano, mukondleteri, vufambisi, mafumelo, xiyenge xo thola, ndhawu ya ntirho, migingiriko ya ntirho, matirhelo laya hundzeke, endlelo ra mahungu ya vufambisi, endlelo ra tinkota.
Riq: 012-394 1796/012-394 1805
Fekisi: 012-394 2796/012-394 2799
Kherefu:
